İlham Əliyev: "Bir çox istiqamətlər üzrə Azərbaycan-Özbəkistan ikitərəfli əməkdaşlığı üçün ciddi baza yaradılıb"

Azərbaycan və Özbəkistan arasında bir çox istiqamətlər üzrə ikitərəfli əməkdaşlıq üçün ciddi baza yaradılıb.

"Operativ Media" xəbər verir ki, bu sözləri Azərbaycan Prezidenti İlham Əliyev avqustun 22-də özbəkistanlı həmkarı Şavkat Mirziyoyevlə keçirdiyi geniş tərkibdə görüşdə deyib.

"Bu, həm Sizinlə təmaslarımız, həm Azərbaycanda, həm də Özbəkistanda və başqa yerlərdə mütəmadi görüşlər, həmçinin dövlət strukturlarının nümayəndələri arasında sıx qarşılıqlı fəaliyyətdir. Onlar da fəal işləyirlər və düşünürəm ki, prezidentlərdən yaxşı nümunə götürürlər. Həmçinin bilirlər ki, Sizinlə danışdığımız kimi, biz bütün qərarların yerinə yetirilməsinin gedişinə nəzarət edəcəyik və bunu da uğurla edirik", - dövlət başçısı qeyd edib.