Fuat Oktay: Partlayışda 6 nəfər ölüb, 81 nəfər yaralanıb-YENİLƏNİB

İstanbuldakı partlayışda ölənlərin sayı 6, yaralananların sayı 81 nəfərə çatıb.

“Operativ Media” xəbər verir ki, bu barədə mətbuata açıqlamasında Türkiyə Prezidentinin köməkçisi Fuat Oktay bildirib.

Fuat Oktayın sözlərinə görə, hadisəni törədən şəxsin qadın terrorist olduğu ehtimal edilir.

***

19:25

İstanbuldakı partlayışda 4-ü hadisə yerində, ikisi xəstəxanada olmaqla, 6 nəfər həlak olub, 53 nəfər yaralanıb.

"Operativ Media" xəbər verir ki, bunu Türkiyə Prezidenti Rəcəb Tayyib Ərdoğan bildirib.

 "İlk müşahidələr bu işdə bir qadının rol oynadığını göstərir"- deyə Ərdoğan bildirib.

***

18:50

İstanbuldakı partlayışda 4 nəfər ölüb, 38 nəfər yaralanıb

"Operativ Media" Anadolu Agentliyinə istiadən xəbər verir ki, bunu İstanbul valisi Əli Yerlikaya bildirib.
 

***

İstanbul valisi Əli Yerlikaya hadisə ilə bağlı açıqlama verib.

"Operativ Media" Türkiyə mediasına istinadən bildirir ki, Yerlikaya açıqlamasında bunları deyib:

"Bu gün saat 16.20 radələrində Beyoğlu bölgəsində Taksim İstiqlal küçəsində partlayış baş verib. Hadisə yerinə polis, yanğınsöndürənlər, təcili yardım və xilasedicilər cəlb olunub. Ölən və yaralananlar var. Hadisələr ictimaiyyətlə paylaşılacaq".

Partlayışın səbəbi hələlik məlum deyil.

***

17:43

İstanbulun mərkəzi küçəsində partlayış baş verib.

"Operativ Media"nın xəbərinə görə, İstiklal prospektində baş verən partlayış zamanı 11 nəfərin yaralandığı, 4 nəfərin öldüyü bildirilir.

Hadisənin terror aktı olduğu iddia edilir.