ÜST Pakistana səyahət məhdudiyyətini 3 ay uzadıb

Ümumdünya Səhiyyə Təşkilatının Fövqəladə Hallar Komitəsi, poliomielit epidemiyası riskinin davam etdiyi səbəbiylə Pakistana səyahət məhdudiyyətini 3 ay müddətinə uzadıb.

"Operativ Media" xəbər verir ki, Ümumdünya Səhiyyə Təşkilatının (ÜST) internet saytında verilən açıqlamada Pakistanın poliomielitlə mübarizədə nöqsanların olduğu bildirilib.

Pakistanda poliomielit xəstəliyinin yayılma riskinin "Beynəlxalq narahatlığa səbəb olan ictimai sağlamlıq fövqəladə vəziyyəti" təşkil etdiyini bildirən ÜST, səyahət məhdudiyyətini 3 ay müddətinə uzatmağa qərar verib.