"Biz yaşamaq üçün zəruri olan ərzaq, dərman və digər malların davamlı "blokadası" nəticəsində Qarabağda humanitar şəraitin pisləşməsindən dərin narahatıq". 

"Operativ Media" xəbər verir ki, bu barədə ABŞ Dövlət Departamenti bəyanat yayıb.

"Birləşmiş Ştatlar humanitar yardımın "Qarabağ əhalisi"nə çatması üçün son bir neçə həftə ərzində tərəflərlə davamlı işləyib. Biz Laçın dəhlizinin təcili olaraq humanitar, kommersiya və sərnişin daşınması üçün yenidən açılması çağırışımızı təkrar edirik. Bundan əlavə, Bakıdan olan rəsmilər və Xankəndidən olan nümayəndələr təxirə salınmadan bir araya gələrək Qarabağa ərzaq daşınması yolları, o cümlədən əlavə təchizat marşrutları barədə razılığa gəlməli və bütün məsələlər üzrə müzakirələri davam etdirməlidirlər", - bəyanatda qeyd edilir.