Azərbaycanın İrandakı səfiri Əli Əlizadə növbəti dəfə İran XİN-ə çağırılıb

"Operativ Media" "Tasnim"ə istinadən xəbər verir ki, bunu İran Xarici İşlər Nazirliyinin nümayəndəsi Nasir Kənani deyib.

Məlumata görə,  bir sıra Azərbaycan vətəndaşlarının İrandakı "cinayət əməlləri" ilə bağlı dəlil və sübutlar diplomata təqdim edilib.

"Heç kim İranın səbrini zəiflik kimi qəbul etməməlidir. Region ölkələrinin tarixi məlumdur. Bizim siyasətimiz xüsusən Azərbaycan dövləti və xalqı ilə mehriban qonşuluq, dostluq və qardaşlıq əlaqələrini qoruyub saxlamaqdır. Biz bir-birimizlə diplomatik çərçivədə danışa bilərik. Şübhəsiz ki, regiondan kənar əllər İranın bəzi qonşuları ilə əlaqələrini pozmağa çalışır. Ümid edirik, qonşuluqdakı dostlarımız başqa ölkələrin daxili işinə qarışmamaq siyasətindən çıxış edəcəklər"-Kənani bildirib.