Ermənistannın Rusiyadakı səfiri Rusiya Xarici İşlər Nazirliyinə çağırılıb və ona Rusiya Federasiyasının əlaqədar qurumunun notası təqdim edilib.
"Operativ Media" xəbər verir ki, bu barədə Rusiya XİN-dən bildirilib.
"Bu yaxınlarda biz Ermənistan Respublikasının rəsmi dairələrində və siyasi elitasında Kollektiv Təhlükəsizlik Müqaviləsi Təşkilatı (KTMT) çərçivəsində və Rusiya ilə ikitərəfli əsasda müttəfiqlik əlaqələrinin məqsədəuyğunluğu, habelə Moskva, İrəvan və Bakı arasında 2020-2022-ci illər üçün üçtərəfli sazişlər toplusunun həyata keçirilməsinin mümkünlüyü haqqında müəyyən şübhələrin yarandığı eşitməkdəyik.
Bunun fonunda Ermənistan rəhbərliyi son günlər bir sıra qeyri-dost addımlar atıb, o cümlədən BCM-nin Roma Əsasnaməsinin ratifikasiyası prosesinə başlanılıb, baş nazirin həyat yoldaşı A.V.Akopyanın Kiyevə səfər edib, Kiyev nasist rejiminə humanitar yardım barədə vədlər verib, ABŞ-nin iştirakı ilə Ermənistan ərazisində hərbi təlimlər keçirilib.
Bununla bağlı Ermənistanın Moskvadakı səfiri V.V.Arutyunyan Rusiya Xarici İşlər Nazirliyinə çağırılıb və ona nota verilib. Bundan əlavə, Ermənistan Respublikası Milli Məclisinin sədri A.R.Simonyanın sentyabrın 6-da Rusiya Xarici İşlər Nazirliyinin rəsmi nümayəndəsi, Departament direktoru M.V. Zaxarova və bütövlükdə Rusiya Xarici İşlər Nazirliyinə ünvanladığı təhqiramiz bəyanatlarının qəbuledilməzliyini göstərən etiraz notası göndərilib. Sentyabrın 7-də Ermənistanda bloger M.Badalyanın və Sputnik Ermənistan radiosunun köşə yazarı A.Gevorkyanın saxlanılması ilə bağlı narahatlıqlar ayrıca bildirilib.
Eyni zamanda, Moskva qəti şəkildə inanır ki, Rusiya və Ermənistan müttəfiq olaraq qalır və tərəfdaşlıq əlaqələrinin inkişafı və möhkəmləndirilməsi üzrə bütün sazişlər ölkələrimizin xalqlarının mənafeyi naminə tam şəkildə həyata keçiriləcək. Bu, digər məsələlərlə yanaşı, KTMT çərçivəsində təlimlərin təşkilinə və daha sonra Ermənistan və Azərbaycan arasında nizamlanma prosesinin asanlaşdırılması üçün təşkilatın müşahidə missiyasının Ermənistana göndərilməsinə aiddir.
Rusiya tərəfi bundan sonra da bu məqsədlər üçün bütün lazımi səyləri göstərəcək", - bəyanatda qeyd edilib.
