"Sentyabr döyüşləri Ermənistan üçün ağır zərbə oldu"

“Tarixə qəhrəmanlıq səlnaməsi kimi düşən 12- 13 sentyabr hadisələri Ermənistanın uzun müddət qurduğu planlarını alt-üst etdi. Dəfələrlə ən müxtəlif səviyyələrdə Ermənistanın revanşist siyasətini ifşa edən, təxribatlarının qarşısını alan ordumuz öz təhlükəsizliyini təmin etmək üçün adekvat addımlar atmaq məcburiyyətində qaldı”.

Bunu “Operativ Media”ya açıqlamasında hərbi ekspert Şair Ramaldanov bildirib.

Şair Ramaldanovun sözlərinə görə, Azərbaycan ordusunun ayıq-sayıqlığı nəticəsində  və göstərdiyi şücaəti professionalığı nəticəsində düşmən böyük itkilərlə geri çəkilməyə məcbur oldu. 

“Erməniləri nəinki geri çəkildi, hətta Azərbaycan ordusu o istiqamətdə bir sıra strateji yüksəkliklərdən düşməni qovaraq onu ələ keçirərək böyük ərazini, Göyçə gölünün ətrafinda olan Kəlbəcər istiqamətinə gələn yol şəbəklərini nəzarət almağa nail oldular. Bir daha Azərbaycan yumruğu öz gücünü ermənilərə göstərdi. 7 saat davam edən cavab əməliyyatı nəticəsində ermənistanın  xeyli canlı qüvvəsi, çox sayda hərbi obyekti məhv edildi.”

Ekspertin sözlərinə görə, məhz  sentyabr hadisələri Ermənistanın özü üçün yeni faciələrə yol açdığını göstərdi. 

“Hadisələr Emənistanın daxilində böyük etirazlara səbəb oldu, Ermənistan ordusunun itkiləri insanları evlərdən çölə çıxartdı. Azərbaycan həmişə olduğu kimi qələbədən sonra  öz gələcəyini sülh müqaviləsinin bağlanmasında və bu regionda əmin amanlığa köklənən siyasət aparır. Ermənilər isə həmişə olduğu kimi sülhdən qaçır, onun bunun əlində alət olaraq, bu regionda vəziyyəti gərginləşdirmək istəyən qüvvələrə xidmət etməkdə davam edir. Azərbaycan ordusu Sentyabr hadisələrində bir daha Ermənistana, dünyaya göstərdi ki,  hər hansı bir  təxribat cavabsız qalmayacaq və qala da  bilməz.  Çünki Azərbaycan özünü müdafiə etmək gücündə, qüdrətində olan ölkədir”