Kadırov: Məni axtarmayın, mən özüm gələcəyəm

Rusiya Federasiyasının tərkibində olan Çeçenistanın lideri Ramzan Kadırov Ukrayna Təhlükəsizlik Xidmətinin (SBU) onun barəsində axtarış qərarı çıxarması məsələsinə münasibət bildirib.

"Operativ Media"nın xəbərinə görə, Kadırov teleqram hesabında paylaşdığı videoda "Hörmətli UTX üzvləri, yerini müəyyənləşdirin, mən özüm gələcəm, sizin üçün gələcəm və etdiyiniz bütün cinayətlərə görə cəzanızı verəcəm" deyib.

Çeçenistan lideri “Məni çox axtarmağa ehtiyac yoxdur. Yeri gəlmişkən, mən hətta iki dəfə Ukraynada olmuşam və onların məni tutmaq barədə düşündüyünü görməmişəm”, - deyə əlavə edib.