XİN: Aniterror tədbirləri Ermənistanla sülh sazişinin bağlanmasına müsbət təsir edə bilər

Azərbaycan Ermənistanla sülh və sabitliyə sadiqdir, eləcə də qanunsuz erməni hərbi birləşmələrinin qalıqlarının aradan qaldırılması istiqamətində gördüyü tədbirlərin Ermənistanla sülh sazişinin bağlanmasına müsbət təsir edəcəyinə ümid edir.

"Operativ Media" xəbər verir ki, bu barədə Azərbaycan Xarici İşlər Nazirliyi Cozep Borelin bəyanatına cavabında bildirib.

Bəyanatda bildirilir ki, Avropa İttifaqı bu gün Yevlaxda erməni sakinləri ilə təşkil olunan konstruktiv müzakirələrə açıq-aşkar hörmətsizlik edir:

"Erməni sakinlərin hüquq və təhlükəsizliyinin təmin edilməsində ittihamlara gəlincə, diqqətinizə çatdırırıq ki, bugünkü müzakirənin nəticələrinə əsasən, Azərbaycan beynəlxalq tərəfdaşlarının dəstəyi ilə Ermənistana lazımi köməklik göstərəcək. Bu məsələdə Azərbaycanın atdığı addımlara hər hansı müdaxilə faydasızdır".