"Silahı yerə qoymayan, onu Azərbaycana təhvil vermək istəməyənlər var. Razılaşmaya zidd hər-hansı bir hərəkətin anında qarşısının alınması üçün dövlətin xüsusi planı var".
Bunu "Operativ Media" ya açıqlamasında Hərbi ekspert Ramil Məmmədli deyib
Hərbi ekspert Ramil Məmmədlinin sözlərinə görə, razılaşmaya əsasən qanunsuz erməni hərbi birləşmələri həm silah-sursat və texnikaları, həm də hərbi infrasktrukturu Azərbaycana təhvil verməyə başlayıblar. Bu məqsədlə Azərbaycan dövləti tərəfindən yaradılan komisiya da öz işini axsatmadan görməkdədir.
"Bütün hallarda bu prosesdə qanunsuz erməni silahlı birləşmələrinin bəzi üzvlərinin problemlər çıxaracağı şübhəsiz idi. Ancaq razılaşmaya zidd hər-hansı bir hərəkətin anında qarşısının alınması üçün dövlətin xüsusi planı var. Yəni kimsə silahı yerə qoymayıb, nəyəsə cəhd etsə, cəzasını alacaq. Silahlı qüvvələrin, dövlətin bununla bağlı tədbirləri var. Bu planda ərazidə müəyyən yerüstü əməliyyatların planların həyata keçirilməsi və s. Tapşırıq var. O haldakı Azərbaycan dövlətinə, silahlı qüvvələrinə hər-hansı bir müqavimət olsun, hər hansı bir cəhd göstərən qanunsuz birləşmələrin zərərsizləşdirilməsi planda öz əksini tapıb''
Ekspert deyir ki, orada olan qanunsuz silahlı birləşmələr əslində bunu yaxşı dərk edir və bilir.
O, həmçinin əlavə etdi ki, orada yaşayan mülkü əhaliyə münasibət isə birmənalıdır. Dövlət bu məsələdə humanizm prensipləirni qorumaqda davam edəcək.
''Azərbaycan silahlı qüvvələrinin komandanlığına silah və texnikanı təhvil verənlər əvvəlcə islah olunacaqlar. Sonra onların Ermənistan ərazisinə keçidi təmin olunacaq. Və yaxud da Azərbaycan ərazisindən keçməklə üçüncü ölkəyə keçməsi təmin olunacaq. Bu praktikada var ki, bəzən o hərbçilər geri qayıtmaq istəmir və başqa ölkəyə keçmək istəyir''
