Lavrov: Qarabağı tərk etmək istəyənlərin qarşısını ala bilmərik

"Sülhməramlılarımız bu vəziyyətdə əllərindən gələni edirlər". 

"Operativ Media" xəbər verir ki, bunu Rusiyanın xarici işlər naziri Sergey Lavrov deyib.

“Qarabağdan Rusiyaya getmək istəyənlərin qarşısını ala bilmərik. Biz azərbaycanlı tərəfdaşlarımız və qonşularımızla Qarabağda vəziyyəti sabitləşdirmək, orada etimadı gücləndirmək, normal həyat tərzini bərpa etmək, ermənilərlə azərbaycanlıların ortaq yaşayışına şərait yaratmaq üçün çalışırıq. Ümid edirəm ki, İrəvan da bu məsələdə maraqlı olacaq və onlar bunun üçün səy göstərəcəklər”, - deyə o bildirib.