Zaxarova Ermənistan hakimiyyətinin hərəkətlərini tənqid edib

Ermənistanda qərarların qəbulu prosesi ictimai rəyi nəzərə almır.

"Operativ Media" xəbər verir ki, bu barədə Rusiya XİN-nin sözcüsü Mariya Zaxarova bildirib.

“Təkcə bu gün deyil, həm də xalqın tarixi kontekstində ümummilli əhəmiyyət kəsb edən qərarlar qəbul edilir, onlar (hakimiyyət - red.) ictimai rəyə arxalanmadan, seçkilərin nəticələrinə əsaslanmadan bu qərarları qəbul edirlər”, - deyə Zaxarova Ermənistandakı vəziyyətlə bağlı bildirib.

O, əlavə edib ki, Ermənistanda hökumət rəsmilərinin son hərəkətləri seçkilərdən əvvəl vəd etdikləri hər şeyə ziddir.