"Ermənistan Qarabağı rəsmən Azərbaycanın bir hissəsi kimi tanıyıb. Rusiya bu halda nə etməlidir?"
"Operativ Media" xəbər verir ki, bunu Rusiya prezidenti Vladimir Putin “Valday” Beynəlxalq Diskussiya Klubunun plenar iclasında deyib.
"2022-ci ilin payızında Ermənistan və Azərbaycan liderləri Avropa Şurasının rəhbəri Şarl Mişel, Fransa prezidenti və Almaniya kanslerinin iştirakı ilə Praqada toplaşıblar.
Orada da bəyanat imzaladılar, bilirsiniz. Bəyanatdan belə çıxır ki, Ermənistan Qarabağı Azərbaycan Respublikasının tərkib hissəsi kimi tanıyıb.
Yəni mahiyyət etibarilə Qarabağın statusu ilə bağlı əsas məsələ həll olundu. Qarabağ müstəqilliyini elan edəndə heç kim bu müstəqilliyi tanımırdı, hətta Ermənistan da. Hansı ki, açığı, mənə qəribə gəlir. Ancaq belə bir qərar verildi, onlar Qarabağın müstəqilliyini tanımırdılar. Amma burada, Praqada Qarabağın Azərbaycana məxsus olduğunu tanıdılar. Sonra 2023-cü ilin əvvəlində eyni şeyi ikinci dəfə, Brüsseldə analoji görüşdə təkrarladılar. Yeri gəlmişkən, bu barədə bizə heç kim heç nə deməyib. Bu barədə şəxsən mən mətbuatdan öyrəndim. Azərbaycan həmişə Qarabağı öz ərazisinin bir hissəsi hesab edib. Lakin Ermənistan Qarabağın statusunu Azərbaycanın tərkib hissəsi kimi müəyyən edərək, mövqeyində keyfiyyət dəyişiklikləri etdi. Bundan sonra görüşlərin birində prezident İlham Əliyev mənə yaxınlaşıb dedi: "Görürsən, hamı qəbul etdi, Qarabağ bizimdir. Sizin sülhməramlılarınız bizim ərazimizdədir..."