Bakılı ravvin Ermənistan yəhudilərini xilas olamağa çağırıb

Azərbaycanın iblisləşdirilməsinə və onun düşmənlərinin Holokost mövzusundan istifadə etməsinə qarşı kampaniyanın təşəbbüskarı, bakılı ravvin Zamir İsayev yenidən Ermənistan yəhudilərinə müraciət edib.

"Operativ Media" xəbər verir ki, bu barədə ravvin öz "Facebook" səhifəsində yazıb.

"Bir neçə həftə əvvəl mən xəbərdarlıq etmişdim ki, Ermənistanda qalmaq yəhudilər üçün təhlükəlidir. İsrailin Diaspor Nazirliyi keçən ay iki dəfə yəhudilərə qarşı zorakılıq ehtimalını qeyd edib", - ravvin qeyd edib.

Onun sözlərinə görə, erməni rəsmiləri və ictimai xadimlərinin antisemit və anti-İsrail ritorikası sinaqoqun hücumuna səbəb olub, çünki nifrət nitqi zorakılığa gətirib çıxarıb.

İsayev yenidən yəhudiləri çox gec olmadan Ermənistanı tərk etməyə çağırıb və kömək etməyə hazır olduğunu əlavə edib.