Dövlət başçısı: Gürcüstanla birgə həyata keçirdiyimiz layihələr bir çox ölkələrin enerji və nəqliyyat təhlükəsizliyinə xidmət edir

“O ki, qaldı bizim digər sahələrdə əməkdaşlığa Cənab Baş nazir artıq qeyd etdi ki, həm enerji, həm nəqliyyat sahələrində çox böyük planlarımız var və əlbəttə ki, böyük uğurlarımız var”.

"Operativ Media" xəbər verir ki, bunu Azərbaycan Respublikasının Prezidenti İlham Əliyev Gürcüstanın Baş naziri İrakli Qaribaşvili ilə təkbətək görüşdən sonra mətbuata bəyanatda deyib.

Dövlət başçısı hesab edir ki, həyata keçirilmiş layihələr haqqında danışmaq əbəsdir: “Bunu hər kəs bilir. Onu sadəcə olaraq demək istəyirəm ki, bizim birgə həyata keçirdiyimiz enerji və nəqliyyat layihələri bu gün bir çox ölkələrin enerji və nəqliyyat təhlükəsizliyinə xidmət edir”.