Səudiyyə Ərəbistanının Energetika Nazirliyinin rəhbəri Moskvaya səfər edib

Səudiyyə Ərəbistanının Energetika Nazirliyinin rəhbəri Abdel Əziz Bin Salman Rusiya Enerji Həftəsi üçün Moskvaya gəlib.

"Operativ Media" Rusiya mediasına istinadən xəbər verir ki, onu Rusiya Baş nazirinin müavini Aleksandr Novak qarşılayıb.

Tərəflərin görüşünün, daha sonra isə hökumətlərarası komissiyanın iclasının keçiriləcəyi planlaşdırılır.

Səudiyyə nazirinin gəlişindən əvvəl Novak jurnalistlərə bildirib ki, Rusiya və Səudiyyə Ərəbistanı bu gün qlobal neft bazarındakı vəziyyəti, o cümlədən Fələstin-İsrail münaqişəsi ilə bağlı vəziyyəti müzakirə edəcək.

Oktyabrın 11-dən 13-dək Moskvada Rusiya Enerji Həftəsi keçirilir.