Peskov: Rusiya Ermənistanla əlaqələri dayandırmayacaq

"Paşinyanın MDB sammitinə gəlməkdən imtina etməsi təmasların sonu demək deyil".

"Operativ Media" xəbər verir ki, bunu Rusiya prezidentinin mətbuat katibi Dmitri Peskov Ermənistanın baş naziri Nikol Paşinyanın Qırğızıstanda keçirilən MDB sammitində iştirak etməməsini şərh edərkən deyib.

O, qeyd edib ki, Rusiya İrəvanla təmasları dayandırmır, dialoq davam edəcək, Ermənistan Rusiya Federasiyasının müttəfiqi olaraq qalır.

"Onun (red - Paşinyan) öz səbəbləri var və biz buna hörmət edirik. Bu, o demək deyil ki, biz əlaqələrimizi dayandırırıq. Biz dialoqumuzu davam etdiririk, Ermənistan bizim müttəfiqimiz, qonşumuz, bizimlə müttəfiq olub və olacaq. "Bizi ümumi tarix və ümumi gələcək birləşdirir. Sadəcə ona görə ki, bizdə hələ də Ermənistanın özündən daha çox erməni yaşayır. Və bunu hamının yadda saxlaması vacibdir", - Peskov bildirib.