Ombudsman Ermənistan mediasındakı azərbaycanlılara qarşı aqressiv məlumatları qəbuledilməz adlandırıb

"Son günlər Ermənistana məxsus kütləvi informasiya vasitələrində (KİV), xüsusən də sosial şəbəkələrdə azərbaycanlılara qarşı aqressiv və alçaldıcı ifadələrin sayının artması bizi haqlı olaraq narahat edir".

"Operativ Media" xəbər verir ki, bu barədə Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva "X"də  paylaş edib.

"Hesab edirik ki, xüsusilə sülh danışıqlarının həlledici əhəmiyyət kəsb etdiyi indiki həssas dövrdə bəzi erməniəsilli insanların düşmənçiliyi təbliğ edən bu cür neqativ hərəkətlər pozucu məqsədlərə xidmət edir və qəbuledilməzdir. Azərbaycanofobiya siyasətinin təzahürü olan etnik əsaslı nifrət nitqi çağırışları təkcə Azərbaycanla Ermənistan arasında münasibətlərə deyil, həm də regionda ümumi davamlı sülh və təhlükəsizliyə mane olur", - Ombudsman bildirib.