Gürcüstan 3+3 platformasından niyə imtina edir?

"Gürcüstan 3+3 formatından bir çox səbəblərə görə imtina edir. Birinci səbəb ondan ibarətdirki, bugün Gürcüstan Rusiya ilə çox ciddi siyasi münaqişə halındadır və Gürcüstan ərazilərində seperatçılığın bitməməsi, Abxaziya və Cənubi Asetiyada Gürcastanın ərazi bütövlüyünün tanınmamasının ən böyük səbəbkarı həm də Rusiyadır" bunu "Operativ Media" ya açıqlamasında politoloq Tural İsmayılov deyib.

Politoloqun sözlərinə görə, hazırda Gürcüstan Rusiya ilə siyasi münasibətlərinin kəskin konfrontasiya səviyyəsində olduğu indiki dövrdə Rusiyanın da təmsil olunduğu hansısa tədbirlərdə, toplantılarda bir mənalı şəkildə iştirak etməmək seçimini edib. 

"Digər bir tərəfdən Gürcüstanın Tehranda 3+3 platforması Xarici işlər nazirlərinin görüşünün keçirilməsinə Gürcüstanın halhazırda kapital baxımından, investisiya baxımından asılı olduğu bəzi Qərb dairələri var ki onlar da etiraz ediblər"

Tural İsmayılov deyir ki, Gürcüstanın 3+3 platformasına qarşı gəlməsinin səbəblərindən biri də qərb amilidir.

"Mən birmənalı olaraq deyirəm ki, Avropadakı siyasi institutlar Gürcüstanın 3+3 platformasına inteqrasiyasını istəmir. Əslində aylar əvvəl Gürcüstana səfər edən pentaqon rəhbəri də bu məsələdə konkret olaraq Qərbin mövqeyini çox açıq və aydın şəkildə bir daha Gürcüstana nümayiş etdirdi. Açıq şəkildə Gürcüstanın 3+3 platformasının inteqrasiya etməməli olduğunu vurğuladı. Amma mən hesab edirəm ki bu qısa müddətli bir məsələdir. Çünki bu 3+3 platformasının ilk ölkəsi Azərbaycan və Türkiyə ilə Gürcüstan ayrı ayrılıqda çox sıx iqtisadi siyasi inteqrasiya modellərinə malikdir. Məhz Gürcüstanın Azərbaycan və Türkiyə ilə münasibətlərinin yüksək səviyyədə olması Gürcüstanın 3+3 platformasına inteqrasiya prosesinin yaxın zamanda sürətlənəcəyini söyləməyimizə əsas verir"