Paşinyan: Rusiya bazalarının Ermənistanda mövcudluğunu davam etdirməsində heç bir üstünlük görmürəm

"Ermənistan hərbi ittifaq və iqtisadi birlik baxımından yeni müttəfiqlər axtarır. Çünki Moskva müttəfiqlik öhdəliklərini yerinə yetirməyib".

"Operativ Media" xəbər verir ki, bunu Ermənistanın baş naziri Nikol Paşinyan "Wall Street Journal"a müsahibəsi zamanı bildirib.

"Bu hadisələr əslində belə bir qərara gətirib çıxardı ki, biz təhlükəsizlik sahəsində əlaqələrimizi şaxələndirməliyik və biz indi buna çalışırıq", - deyə o bildirib. 

Paşinyan əlavə edib ki, bu səbəbdən Rusiya hərbi bazalarının Ermənistanda mövcudluğunu davam etdirməsində heç bir üstünlük görmür.