Rusiya və BƏƏ XİN başçıları BRİKS çərçivəsində əməkdaşlığı müzakirə edib

Rusiyanın xarici işlər naziri Sergey Lavrov və Səudiyyə Ərəbistanının xarici işlər naziri Feysəl bin Fərhan Əl Səud Moskva ilə Ər-Riyadın BRİKS formatında qarşılıqlı fəaliyyətini və Yaxın Şərq nizamlanması məsələsini müzakirə ediblər.

"Operativ  Media" xəbər verir ki, bu barədə TASS məlumat yayıb:

“İkitərəfli münasibətlərin aktual məsələləri, BRİCS formatında qarşılıqlı fəaliyyət 22-24 avqust tarixlərində Yohannesburqda keçirilən XV sammitində assosiasiya liderlərinin 2024-cü il yanvarın 1-dən BRİKS-ə yeni iştirakçıların dəvət edilməsi barədə qərarı kontekstində müzakirə edilib. Yaxın Şərq nizamlanması məsələsi ilə bağlı ətraflı fikir mübadiləsi aparılıb”.

Qeyd edək ki, BRİKS Braziliya, Rusiya, Hindistan, Çin və Cənubi Afrikanı birləşdirir. Avqustda keçirilən Yohannesburq sammitində Argentina, Misir, İran, Efiopiya, BƏƏ və Səudiyyə Ərəbistanının 2024-cü il yanvarın 1-dən təşkilata tamhüquqlu üzv olmağa dəvət edilməsi barədə qərar elan edilib.