Prezidentin xüsusi nümayəndəsi İtaliya XİN başçısının müavini ilə görüşüb

Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov İtaliya xarici işlər nazirinin müavini Edmondo Sirielli ilə görüşüb.

"Operativ Media" xəbər verir ki, bu barədə İtaliya XİN-in "X" hesabında məlumat verilib.

"Görüşdə bütün sahələrdə ikitərəfli strateji tərəfdaşlığın möhkəmləndirilməsinin vacibliyi vurğulanıb. İtaliya regionda prosesləri diqqətlə izləyir və dialoqu dəstəkləyir", paylaşımda qeyd olunub.

Görüş noyabrın 3-də azərbaycanlı rəsminin İtaliyaya səfəri çərçivəsində baş tutub.