Aİ Macarıstanı Rusiyanın enerji resurslarından imtina etməyə çağırıb

Macarıstan Rusiya enerjisinin alınmasını dayandırmaq üçün səyləri gücləndirməlidir.

"Operativ Media" "Politico"ya istinadən xəbər verir ki, bunu Avropa İttifaqının (Aİ) enerji məsələləri üzrə Avropa komissarı Kadri Simson deyib.

"Bu asılılığı davam etdirmək onların (Macarıstanın - redaktorun qeydi) maraqlarına uyğun deyil", - o, qeyd edib.

Simson həmçinin Moskva və Budapeşt arasında Rusiya nüvə yanacağı ilə işləyən Paks-2 nüvə reaktorunun tikintisi ilə bağlı əldə olunan razılaşmadan təəssüfləndiyini bildirib.