Çin noyabrın 20-dən 29-dək ŞƏT-in müdafiə və təhlükəsizlik forumuna ev sahibliyi edəcək

Çində noyabrın 20-dən 29-dək Şanxay Əməkdaşlıq Təşkilatının (ŞƏT) Beşinci Müdafiə və Təhlükəsizlik Forumunu keçiriləcək.

"Operativ Media" xəbər verir ki, tədbirin məqsədi forumun iştirakçısı olan ölkələrin hərbçiləri arasında qarşılıqlı anlaşmanın artırılması və qarşılıqlı etimadın möhkəmləndirilməsi, müdafiə və təhlükəsizlik sahəsində ŞƏT əməkdaşlığının dərinləşdirilməsi yollarının öyrənilməsi və müzakirəsi, eləcə də daha sıx əməkdaşlığın qurulmasına fəal töhfə verməkdir. 

Qeyd edək ki, ŞƏT 2001-ci ildə yaradılmış beynəlxalq təşkilatdır. Bura Hindistan, İran, Qazaxıstan, Çin, Qırğızıstan, Rusiya, Tacikistan, Pakistan və Özbəkistan daxildir . Müşahidəçi ölkələr Əfqanıstan, Belarus və Monqolustan, tərəfdaş ölkələr Azərbaycan, Ermənistan, Kamboca, Nepal, BƏƏ, Türkiyə və Şri Lankadır.

ŞƏT sammitinin 2024-cü ilin iyulunda Astanada keçiriləcəyi gözlənilir .