Paşinyan İrəvanda ATƏT-in baş katibi Helqa Şmidlə görüşüb

Baş nazir Nikol Paşinyan İrəvanda ATƏT-in baş katibi Helqa Şmidlə görüşüb.

"Operativ Media" xəbər verir ki, bu barədə "Armenpress" məlumat yayıb.

Paşinyan və Şmid ATƏT PA-nın Yerevanda davam edən sessiyasını, onun gündəliyindəki məsələləri, o cümlədən Ermənistanla ATƏT arasında əməkdaşlığı müzakirə ediblər.

Görüşdə Ermənistan-Azərbaycan münasibətlərinin normallaşması prosesi ilə bağlı məsələlər də müzakirə olunub.

2023-cü il 14 may və 15 iyul Brüssel üçtərəfli görüşləri nəticəsində razılaşdırılmış prinsiplər əsasında sülh prosesinin davam etdirilməsinin vacibliyi vurğulanıb.

Regional sülh və sabitlik, eləcə də qarşılıqlı maraq doğuran digər məsələlər ətrafında fikir mübadiləsi aparılıb.