Bayden Dubayda keçiriləcək iqlim sammitində iştirak etməyəcək

ABŞ prezidenti Co Bayden BMT-nin iqlim sammitində (COP28) iştirak etməyəcək.

"Operativ Media" xəbər verir rki, bu barədə “The New York Times” Ağ Evdəki mənbəyə istinadən məlumat yayıb.

Nəşrin məlumatına görə, sammitdə Britaniya kralı III Çarlz, Roma Papası Fransisk və 200-ə yaxın dövlət başçısı iştirak edəcək.

Baydenin sammitdə iştirak etməməsinin səbəbi açıqlanmayıb. Onun İsrail və HƏMAS arasında müharibə mövzusu ilə bağlı olduğu güman edilir.