İbrahim Rəisinin Türkiyəyə səfərinin təxirə düşməsinin səbəbi açıqlanıb

İran Prezidenti İbrahim Rəisinin Ankaraya səfərinin təxirə salınma səbəbi açıqlanıb.

"Operativ Media" İSNA-ya istinadən xəbər verir ki, İranın xarici işlər naziri Hüseyn Əmir Abdullahiyan səfərin Qəzzadakı vəziyyətə görə BMT iclasının keçirilməsi səbəbindən təxirə düşdüyünü bildirib.

"Prezidentin bu həftə Ankaraya səfəri var idi. Qəzzadakı vəziyyət və atəşkəs prosesi ilə bağlı BMT Təhlükəsizlik Şurasının iclası səbəbindən təxirə salındı. Biz razılaşdıq ki, səfəri bir neçə gün sonra həyata keçirək. İran və Türkiyə xarici işlər nazirlərinin bu gün Nyu-Yorkda görüşməsi də planlaşdırılırdı. Amerika vizanı mənə bu gün verdi, mənim Nyu Yorkda səhər saat 9:30-da olmağım və saat 12:00-a qədər görüşdə iştirak etməyim praktiki olaraq mümkün olmadı"-deyə Abdullahiyan bildirib.