Ararat Mirzoyan Xavier Kolomina ilə görüşüb

Ermənistanın xarici işlər naziri Ararat Mirzoyan Skopyedə NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavier Kolomina ilə görüşüb.

"Operativ Media" xəbər verir ki, bu barədə Mirzoyan öz "X" hesabında bildirib.

Görüşdə, Ermənistanın NATO tərəfdaşlığı, onun genişləndirilməsi üçün davam edən addımlar müzakirə olunub.

"Suverenlik və ərazi bütövlüyü, dövlət sərhədlərinin aydınlığı əsasdır və Cənubi Qafqazda davamlı sabitliyə və sülhə nail olmaq üçün bütün maraqlı tərəflər tərəfindən birmənalı şəkildə dəstəklənməlidir", - Mirzoyan paylaşımda qeyd edib.