Dövlət Departamenti: Blinken Netanyahu ilə Həmas girovlarının azad edilməsi səylərini müzakirə edib

ABŞ dövlət katibi Antoni Blinken İsrailə səfəri zamanı İsrailin baş naziri Benyamin Netanyahu ilə görüşüb və digər məsələlərlə yanaşı, girovların azad edilməsi səylərini müzakirə edib.

"Operativ Media" xəbər verir ki, bu barədə ABŞ Dövlət Departamenti məlumat yayıb.

“Blinken bu gün Qüdsdə İsrailin baş naziri Benyamin Netanyahu və İsrail hərbi kabineti ilə görüşüb ”, - Dövlət Departamentinin sözçüsü Metyu Miller bildirib.

Qeyd olunur ki, Blinken və Netanyahu digər məsələlərlə yanaşı, humanitar yardımın çatdırılması və qalan girovların azad edilməsi səylərini müzakirə ediblər.