Ölkədə qızılcanın anidən yayılmasının səbəbi açıqlanıb

"Qızılcanın anidən yayılmasına səbəb uşaqların peyvənddən yayındırılmasıdır".

Bunu Operativ Media" ya açıqlamasında pediatr-inefeksionist Aytən Ziyadova deyib.

Aytən Ziyadovanın sözlərinə görə, xüsusilə də pandemiya dövrünə düşən peyvəndlənmə dönəmində yayınmalar daha çox olub.

"Qızılca xəstəliyinin anidən çoxalmasına səbəb peyvənddən yayınmış uşaqlardır. Xüsusilə də 6 yaşa qədər uşaqlar arasında çox müşahidə edilir. Biz görürük ki, pandemiya dönəmində hansı ki, peyvəndə vaxtı-vaxtında gələ bilməyən uşaqlar arasında yayılma müşahidə edilir"

İnfeksionist bildirib ki, digər xəstəliklər kimi, qızılcanın da ağır fəsadlarından qorunmaq üçün peyvənd olunmaq mütləqdir:

"Xəstəliyin ağırlaşması gözün buynuz qişasının zədələnməsi, pnevmaniya və digər hallarla müşahidə oluna bilər. Zamanında edilmiş peyvənd uşaqları infeksion xəstəliklərdən qoruyur. Xüsusilə də qızılca peyvəndi hansı ki, 1 və 6 yaşda edilir. 1 yaşında edilən qızılca "qpm" və 6 yaşında isə "r" vaksinasiyası olur ki, bunların da çox böyük əhəmiyyəti vardır və qızılca xəstəliyinə yoluxanda bu ölümcül riskin qarşıısını almağa kömək edir, həmçinin də ağırlaşmaların qarşısını alır.

Qızılca xəstəliyinin yoluxma sürəti qrip virusundan 6 dəfə çoxdur. Bu səbəbdən də 7-10 gün ərzində ev şəraitində, ağırlaşma halında isə xəstəxanada müalicə edilməsi və sahə həkiminə müraciət olunması mütləqdir".