Rusiya XİN: Moskva Ermənistan və Azərbaycan nümayəndələrinin sərhəddə görüşünü alqışlayır

"Moskva Ermənistan və Azərbaycan nümayəndələrinin sərhəddə görüşünü alqışlayır və sərhədin delimitasiyasına köməklik göstərməyə hazırdır".

Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

"Biz Ermənistan və Azərbaycan nümayəndələrinin birgə sərhəddə görüşünü alqışlayırıq. Biz öz tərəfimizdən delimitasiya işlərində bilavasitə hər cür yardım göstərməyə hazırıq. Bura həmçinin lazımi kartoqrafik materialların verilməsi də daxildir"-deyə o qeyd edib.