Xaricdə Qərbi Azərbaycan İcmasının nümayəndəlikləri yaradılacaq

Xarici ölkələrin əksəriyyətində Qərbi Azərbaycan İcmasının nümayədəliklərinin yaradılması nəzərdə tutulub.

"Operativ Media" xəbər verir ki, bunu Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli jurnalistlərə açıqlamasında deyib.

O bildirib ki, builki səfərlərdə xarici ölkələrdə kifayət qədər çox sayda Qərbi Azərbaycandan olan şəxslərin yaşadığının şahidi olublar: 

"Artıq bir sıra ölkələrdə bu istiqamətdə tədbirlər keçirmişik. Xüsusən Türkiyənin Ankara, İğdır, Qars, Manisa ərazilərində də Qərbi Azərbaycandan köçmüş şəxslər var. Həmin şəhərlərdə festivalların keçirilməsi nəzərdə tutulub. Bu fəaliyyətimizi Avropa ölkələrində də davam etdirəcəyik".