İlin ən uğursuz siyasətçisi seçildi

ABŞ-ın hazırkı prezidenti Co Bayden ilin 7 əsas uğursuz siyasətçilərindən biri kimi tanınıb.

"Operativ Media" xəbər verir ki, Baydenin də daxil olduğu Amerika siyasətçilərinin siyahısını "Fox News" dərc edib. Jurnalistlər qeyd ediblər ki, 2023-cü ildə “80 yaşlı baş komandan” mümkün impiçmentlə, eləcə də seçicilər arasında aşağı reytinq qazanıb və o, qarşıdakı ildə bununla da mübarizə aparmalı olacaq.

Yaşı və səhhəti ilə bağlı məsələlərlə yanaşı, Bayden radikal Fələstinin Həmas qruplaşması ilə münaqişədə İsraili dəstəklədiyi üçün ciddi tənqidlərlə üzləşib. Son həftələrdə seçicilər arasında keçirilən sorğular Baydenin reytinqinin aşağı olduğunu göstərib.

Baydendən başqa, siyahıya keçmiş Çikaqonun meri Lori Laytfut, Virciniya qubernatoru Qlenn Yanqkin, Demokratlar Partiyasının üzvü Suzan Gibson, Nümayəndələr Palatasının üzvü Raşida Tlaib, siyasətçi Corc Santos və Nümayəndələr Palatasının keçmiş spikeri Kevin Makkartinin adı daxil edilib.