İlham Əliyev Lukaşenko ilə görüşüb - YENİLƏNİB

Dekabrın 26-da Rusiyanın Sankt-Peterburq şəhərində Azərbaycan Respublikasının Prezidenti İlham Əliyevin Belarus Respublikasının Prezidenti Aleksandr Lukaşenko ilə görüşü olub.

"Operativ Media" xəbər verir ki, görüşdə Azərbaycan ilə Belarus arasında ikitərəfli dostluq münasibətlərinin müxtəlif sahələrdə uğurlu inkişafı bir daha məmnunluqla qeyd edildi, əməkdaşlığımızın daha da genişləndirilməsi üçün yaxşı potensialın mövcud olduğu bildirildi. Yüksək səviyyəli görüşlərin və təmasların əlaqələrimizin möhkəmləndirilməsi işinə töhfə verdiyi vurğulandı.

Dövlət başçıları əlaqələrimizin bundan sonra da möhkəmlənəcəyinə əminliklərini ifadə edərək gələcək təmaslar və əməkdaşlığımızın perspektivləri barədə fikir mübadiləsi apardılar.

***

Azərbaycan Prezidenti İlham Əliyevin Sankt-Peterburqda ilk ikitərəfli görüşü Belarus Prezidenti Aleksandr Lukaşenko ilə olub.

"Operativ Media" xəbər verir ki, bu barədə Belarus mətbuatı məlumat yayıb.

İlham Əliyev Lukaşenkonu Azərbaycana səfərə dəvət edib