Fransa Xarici İşlər Nazirliyi iki azərbaycanlı diplomatı persona non-qrata elan edib

Azərbaycanın Parisdəki səfirliyinin iki əməkdaşı Bakının fransalı diplomatlara qarşı "oxşar hərəkətinə" cavab olaraq persona non-qrata elan edilib. 

"Operativ Media" xəbər verir ki, bu barədə Fransa Xarici İşlər Nazirliyi məlumat yayıb.

"Fransa Azərbaycanın Fransanın Azərbaycandakı səfirliyinin diplomatik heyətindən iki əməkdaşının persona non qrata elan edilməsi ilə bağlı qərarını nəzərə alır. Azərbaycanın bu qərarını əsaslandırdığı iddiaları qətiyyətlə rədd edir. Fransa cavab tədbiri olaraq Azərbaycanın iki əməkdaşını persona non qrata elan edib", - Xarici İşlər Nazirliyinin bəyanatında deyilir.