“Fransanın bu gün sərgilədiyi və münasibətlərin gərginləşməsinə xidmət edən davranışı heç də təsadüfi deyil. Tarixi bütünlüklə işğallarla və soyqrımlarla dolu olan bir dövlətin öz çirkin maraqlarını Cənubi Qafqazda da həyata keçirmək cəhdləri sözsüz ki, hər kəsə yaxşı məlumdur”.
Bunu “Operativ Media”ya açıqlamasında politoloq Anar Əliyev deyib.
Politoloq deyir ki, 44 günlük Vətən müharibəsi və sonrakı 3 il ərzində Azərbaycanın yaratdığı yeni reallaıqlar, sərgilədiyi qətiyyətli yanaşma Fransanın planlarına çox ciddi zərbələr vurub.
“44 günlük Vətən müharibəsinin bitdiyi ilk vaxtlarda Ermənistan kapituliyasiya aktı imzalayıb Azərbaycanın reallıqlarını qəbul etdi. Bu şərtlər daxilində belə Fransa senatından çağırışlar eşitdik. Dırnaqarası respublikanın yaradılması ilə bağlı belə çağırışlar eşidirdik. Hətta hansısa seperatçı rejimin tanınması ilə bağlı çağırışlar eşidirdik. Fransa mütəmadı olaraq beynəlxalq hüquq və BMT prinsiplərinə zidd olan davranışlar sərgiləyir, dövlətlərin daxili işlərinə kobud şəkildə müdaxilələr etməyə cəhd göstərir”.
Anar Əliyevin sözlərinə görə, Azərbaycanın 19-20 sentyabr tarixlərində keçirdiyi antiterror tədbirlərindən sonra da Fransa Azərbaycanın qətiyyətli mövqeyinə təsir etməyə çalışırdı.
“Bu onu göstərir ki, Fransa bölgədə sülhü və əməkdaşlığı istəmir. Fransa Ermənistanı alət etməklə hətta lazım olarsa, qurban verməklə, özünün çirkin maraqlarını həyata keçirmək istəyir. Amma Fransa unudur ki, artıq 90 illərin Azərbaycanı deyil. Azərbaycandakı agentura şəbəkəsi ilə marginal qruplar və əlaltılar vasitəsilə nə xalqın mövqeyinə, nə də dövlətin iradəsinə və dövlət başçısının iradəsinə təsir etmək mümkündür. Fransanın casus şəbəkəsinin aşkar edilməsi bir daha göstərdi ki, Azərbaycana qarşı yürüdülən istənilən məkrli siyasətinin qarşısı vaxtında alınacaq”.