Ermənistan Baş Qərargah rəisinin keçmiş müavininə qarşı yeni cinayət işi açılıb

Ermənistan Baş Prokurorluğu Baş Qərargah rəisinin keçmiş müavini, general-leytenant Haykaz Baqmanyana qarşı yeni iş açıb. 

“Operativ Media” xəbər verir ki, nəzarət orqanının verdiyi məlumata görə, o, 251 milyon (600 min dollar) məbləğində pulların yuyulmasında ittiham olunur. 

Ötən ilin əvvəlində ona qarşı əmlakını və gəlirlərini gizlətməkdə, habelə qanunsuz olaraq pul vəsaitlərinin mənimsənilməsində ittiham irəli sürülüb.

Xatırladaq ki, Baqmanyan KTMT-nin Birləşmiş Qərargah rəisinin müavini olub.