Almaniyanın Münhen şəhərində pandemiya elan edildi

Almaniyanın Münhen şəhərində qripə yoluxmaların sayında artım olması səbəbindən Robert Koch İnstitutu (RKI) bütün şəhərdə qrip epidemiyası elan edib.

“Operativ Media” xarici KİV-ə istinadən xəbər verir ki, 2023-cü ilin oktyabr ayından bəri ölkədə təxminən 16,600 qripə yoluxma qeydə alınıb. Nəticədə xəstəxanalarda gözləmə otaqları dolub.

Münhendə ilk təqvim həftəsindən bəri isə qripə yoluxma hallarının sayı 155-dir.

İnstitudan bildirilib ki, qrip yüksək hərarət, titrəmə, tərləmə, yorğunluq, baş ağrısı, oynaq ağrıları, öskürək, boğaz ağrısı, iştahsızlıq kimi əlamətlərlə özünü göstərir.

Xəstələrin üçdə biri yalnız yüngül simptomlarla qarşılaşır, digərləri isə xəstəliyi ağır keçirir.