"Blinkenin İstanbula səfəri İsveçin NATO-ya üzvlüyü mövzusu ilə bağlıdır"

ABŞ dövlət katibi Antoni Blinkenin İstanbula səfərinin əsas məqsədi prezident Rəcəb Tayyib Ərdoğanı İsveçin NATO-ya üzvlüyünü tez bir zamanda təsdiqləməyə çağırmaqdır.

"Operativ Media" xəbər verir ki, bunu Türkiyənin ABŞ və İsraildəki keçmiş səfiri Namiq Tan "X"də bildirib.

Blinken ötən gün Türkiyənin xarici işlər naziri Hakan Fidan və ölkə prezidenti Rəcəb Tayyib Ərdoğanla danışıqlar aparıb. Türkiyə Xarici İşlər Nazirliyinin bəyanatına görə, müzakirə olunan mövzular arasında Qəzzadakı vəziyyət, İsveçin NATO-ya üzvlüyü, ikitərəfli və regional məsələlər olub.

"İnanıram ki, Blinkenin dünənki Türkiyə səfəri İsveçin NATO üzvlüyünün Türkiyə parlamentində tezliklə təsdiqlənməsi üçün Ərdoğana son birbaşa çağırış etmək olub. Bu səfərin başqa konkret məqsədi olduğunu düşünmürəm", - o, bildirib.