“Yanlış dərmanlarla və yaxud qeyri-peşəkarlar tərəfindən edilən gözəllik inyeksiyaları korluğa, iflicə və hətta ölümə səbəb ola bilər”.

Operativ Media xəbər verir ki, bu barədə kosmetoloq Mariyat Muxina xəbərdarlıq edib.

O, iynələrin allergiyaya görə təhlükəli olduğunu izah edib:

“Reaksiya dərhal baş verə və xəstənin ölümünə səbəb olan anafilaktik şoka keçə bilər. Fəsadlar həmçinin damarlarda qan axışının pozulması ilə əlaqədar olaraq qansızmaya, nekroz və toxuma yırtılmasına səbəb ola bilər ki, bunun da sonradan mütəmadi olaraq tikilməsi lazımdır”.

Mariyat Muxina qeyd edib ki, belə proseslər zamanı yoluxmaların da baş verməsi mümkündür. Bunun qarşısını almaqdan ötrü xəstənin heç bir əks göstərişi olmamalı, eyni zamanda kosmetoloqun müalicə otağı da steril olmalıdır”.