İsrail ordusu Qəzza zolağından İsrailə raket atıldığını bildirib. Qeyd olunub ki, Hava Hücumundan Müdafiə Sistemi işə düşməyib.

"Operativ Media" xəbər verir ki, artan gərginliyin fonunda Türkiyə XİN məsələyə münasibət bildirib:

"Şərqi Qüds də daxil olmaqla İordan çayının qərb sahilində son zamanlar artan zorakılıq və mülki insanların itkisindən dərin narahatıq və məhkəməsiz qətlləri qətiyyətlə pisləyirik.

İsrail hakimiyyətini bölgədə gərginliyin daha da artmasının qarşısını almaq və insan tələfatının qarşısını almaq üçün lazımi tədbirlər görməyə çağırırıq.

Hadisələrdə həyatını itirən fələstinli qardaş və bacılarımıza Allah rəhmət eləsin, Fələstin dövlətinə və xalqına başsağlığı veririk" - Türkiyə XİN-nin bəyanatında bildirilib.