Türkiyə səfirliyi sexdəki yanğında ölənlərlə bağlı başsağlığı verib

Türkiyənin Azərbaycandakı səfirliyi sexdə baş verən partlayışla bağlı başsağlığı verib.

"Operativ Media" xəbər verir ki, Səfirlik bu barədə "X"də paylaşım edib.

"Bu gün Bakı şəhəri, Binəqədi rayonunda mebel/boya sexində partlayış baş verməsi bizi kədərləndirdi. Partlayış nəticəsində həyatını itirən qardaşlarımıza Allahdan rəhmət, yaxınlarına səbr və başsağlığı, yaralananlara isə tezliklə şəfa diləyirik. Qardaş Azərbaycana başınız sağ olsun diləklərimizi çatdırırıq", - paylaşımda qeyd edilib.