İran Xarici İşlər Nazirliyi: SEPAH suverenliyini qorumaq üçün İraq Kürdüstanına zərbələr endirib

İran İslam İnqilabı Keşikçiləri Korpusu (SEPAH) İranın suverenliyini və təhlükəsizliyini qorumaq, terrorizmlə mübarizə və İslam Respublikasının təhlükəsizliyini pozanları cəzalandırmaq məqsədilə İraq Kürdüstanına bir sıra zərbələr endirib.

Bu barədə İran Xarici İşlər Nazirliyinin sözçüsü Naser Kənani bildirib.

İslam İnqilabı Keşikçiləri Korpusu İraq Kürdüstanının paytaxtı Ərbil şəhərinin ABŞ konsulluğu və beynəlxalq hava limanı ərazisinə zərbələr endirib və anti-İran terror qruplaşmalarının bazalarını məhv etdiyini açıqlayıb.

Qeyd edilib ki, Ərbilə hücumlar yanvarın 3-də İranın cənub-şərqindəki Kirman şəhərində SEPAH generalı Qasım Süleymaninin ölümünün dördüncü ildönümündə dəfn mərasimi zamanı törədilən partlayışlarda 89 nəfərin öldüyü terror aktına cavab olaraq həyata keçirilib. .