“Avropa Şurası Parlament Assambleyasında Azərbaycan əleyhinə verilən qərar beynəlxalq qurumun müstəqil fəaliyyət göstərmədiyinin bariz nümunəsidir. Azərbyacana təzyiq etməyə çalışan AŞPA bəzi qüvvələrin alətinə çevrilib”.
Bunu “Operativ Media”ya açıqlamasında politoloq İlkin Quliyev deyib.
Politoloqun sözlərinə görə, çirkin kampaniyanın arxasında dayanan əsas məqsədlərdən biri beynəlxalq arenada anti-Azərbaycan mövqeyi formalaşdırmaqdır.
“Haqdan ədalətdən danışanlar Azərbaycanı bütöv şəkildə görmək istəmirlər. Səsləndirilən ittihamlar tam əsassızdır. Azərbaycana qarşı olan etnik təmizləmə zamanı susub oturmuşdular. 30 il 1 milyon azərbaycanlı qaçqın və məcburi köçkünün düşdüyü vəziyyətə göz yuman, onların hüquqlarının pozulmasını görməzdən gələn bir qurumun belə addım atması riyakarlıqdan başqa bir şey deyil. Fransa və erməni lobbisi AŞPA-nı ələ keçirib. Onların niyyəti ölkəmizə təzyiq etmək, uğurlarımızı ləkələməkdir”.
Politoloq deyir ki, baş verənlər onu göstərdi ki, heç kəs belə qərarlarla Azərbaycanı öz haqlı mövqeyindən çəkindirə bilməz.
“Baş verənlər heç bir halda təsadüf deyil. Bütün bunlar boş yerə gündəmə gəlməyib. Fransa, Almaniyda aylardır ki, etiraz aksiyaları keçirilir. Polis zorakılığı göz qabağındadır. Amma heçkim heçnə demir. Avropa Şurası Azərbaycanın suverenliyini qəbul edə bilmir. AŞPA öyərişib ki, müdaxilə etsin və ölkələrin daxili işlərinə qarışsın. Onlar unudurlar ki, Azərbaycanla təhdid dilində danışmaq olmaz. Bölgənin siyasi reallığı dəyişib. Azərbaycan Avropa Şurasından asılı deyil. Bu qurum ölkəmizin milli maraqlarından üstün ola bilməz. Bizə qarşı olan bütün təşkilatlara verəcəyimiz cavab əslində elə budur”.
