Azərbaycan və Ermənistan sərhəd Komissiyasının iclası başa çatıb - YENİLƏNİB 2

31 yanvar 2024-cü il tarixində Azərbaycan Respublikası və Ermənistan Respublikası arasında sərhəddə Azərbaycan Respublikasının Baş nazirinin müavini Şahin Mustafayev və Ermənistan Respublikasının Baş nazirinin müavini Mher Qriqoryanın sədrliyi altında Azərbaycan Respublikası və Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın altıncı görüşü keçirilib.

"Operativ Media" xəbər verir ki, bu barədə Azərbaycan XİN məlumat yayıb.

 

***

18:35

Azərbaycan və Ermənistan arasında dövlət sərhədinin delimitasiyası və sərhəd təhlükəsizliyi məsələləri üzrə komissiyaların növbəti altıncı iclası başa çatıb.

"Operativ Media" xəbər verir ki, bu barədə Ermənistan mətbuatı məlumat yayıb.

***

13:47

Azərbaycan-Ermənistan sərhədində delimitasiya komissiyasının növbəti iclası keçirilir.

"Operativ Media" xəbər verir ki, Azərbaycan Baş nazirinin müavini Şahin Mustafayev və Ermənistanın Baş nazirinin müavini Mqer Qriqoryan sərhədlərin delimitasiyasını müzakirə edir.

 

***

08:51

Bu gün Azərbaycan və Ermənistan sərhəd Komissiyasının növbəti iclasının keçirilməsi planlaşdırılır.

"Operativ Media" xəbər verir ki, sayca 6-cı iclasda komissiyanın əsasnaməsi də müzakirə olunacaq.

Komissiyanın beşinci iclası ötən ilin noyabrın 30-da Azərbaycan-Ermənistan sərhədində keçirilib.

Komissiyaya Azərbaycan tərəfdən Baş nazirinin müavini Şahin Mustafayev, Ermənistan tərəfdən isə M.Qriqoryan sədrlik edir.