SEPAH komandiri: "İran ABŞ-dən gələn heç bir təhlükəni cavabsız qoymayacaq"

"İran Qərb ölkələrindən, xüsusən də ABŞ hökumətindən gələn heç bir təhlükəni cavabsız qoymayacaq".

"Operativ Media" xəbər verir ki, bu barədə İslam İnqilabı Keşikçiləri Korpusunun komandiri general Hüseyn Səlami deyib.

Bundan əvvəl ABŞ prezidenti Cozef Bayden demişdi ki, İran İordaniyanın şimal-şərqindəki Amerika hərbi bazasına hücum edənləri silahla təmin etmək üçün məsuliyyət daşıyacaq .

"Elə olur ki, düşmənlərimiz təhdid edir, hətta bu günlərdə ABŞ rəsmilərindən bəzi təhdidlər eşidirik. Onlara deyirik ki, onlar bizi artıq yoxlayıblar, indi bir-birimizi yaxşı tanıyırıq (hər birimiz nəyə qadirik - red.), "Biz heç bir təhlükəni cavabsız qoymayacağıq. Biz müharibə axtarmırıq, amma müharibədən də qorxmuruq", - o, qeyd edib.