Rusiya və BƏƏ Prezidentləri arasında telefon danışığı olub

Rusiya Prezidenti Vladimir Putin və Birləşmiş Ərəb Əmirliklərinin Prezidenti Məhəmməd Əl Nəhyan arasında telefon danışığı olub.

"Operativ Media" xəbər verir ki, bu barədə Kremlin mətbuat xidməti məlumat yayıb.

Bildirilib ki, telefon danışığı zamanı oktyabrın 11-də Sankt-Peterburqda keçirilən yüksək səviyyəli görüş zamanı əldə olunmuş razılaşmalar nəzərə alınmaqla, Rusiya-BƏƏ əməkdaşlığının gələcək inkişafının aktual məsələləri müzakirə edilib. 
 

Ticarət-iqtisadi əməkdaşlığın, o cümlədən nəqliyyat, logistika və enerji sektorlarında əməkdaşlığın təşviqinə də diqqət yetirilib.

Dünya neft bazarının sabitliyini təmin etmək üçün OPEC + çərçivəsində birgə işin səmərəliliyi qeyd edilib. Razılaşdırılmış qərarların bütün iştirakçı dövlətlər tərəfindən ardıcıl icrasını məmnunluqla qeyd olunub. Bu kontekstdə bir sıra Qərb ölkələrinin dünya ticarətinin prinsiplərinə zidd olaraq Rusiya neft xammalının qiymətinə anti-bazar məhdudiyyətləri tətbiq etmək cəhdləri ilə bağlı vəziyyətə toxunulub.