Mümkün qlobal epidemiyalarla mübarizə üçün ilk beynəlxalq müqavilə layihəsi hazırlanacaq

Ümumdünya Səhiyyə Təşkilatına (ÜST) üzv ölkələr COVİD-19-dan sonra mümkün qlobal epidemiyalara qarşı birgə mübarizə aparmaq üçün planlaşdırılan ilk beynəlxalq müqavilənin hazırlanmasını təsdiqləyib.

"Operativ Media" xəbər verir ki, ÜST Cenevrədəki mənzil-qərargahında keçirilən Hökumətlərarası Danışıqlar Bölməsinin 3-cü iclasının sonuncu günündə ÜST-ə üzv dövlətlər üçün hüquqi qüvvəyə malik olan beynəlxalq epidemiya sazişinin layihəsi müzakirə edilib. 

İclasdan sonra ÜST-ün verdiyi açıqlamada üzv ölkələrin əksəriyyətinin saziş layihəsinin hazırlıq prosesinin başlanması ilə bağlı razılığa gəldiyi açıqlanıb.

Qeyd edək ki, layihə mətni 2023-cü ilin fevralında müzakirə olunacaq.