http://operativmedia.az/frontend/img/svg/proqnozu.svg
Bakı 18 ° C

ABŞ Ermənistan və Azərbaycana çağırış edib

14 Fevral 2024 , 00:26
ABŞ Ermənistan və Azərbaycana çağırış edib

Biz itkilərlə nəticələnən hərbi toqquşmalarla bağlı xəbərlərdən narahatıq.

“Operativ Media” xəbər verir ki, bu barədə ABŞ Dövlət Departamentinin sözçüsü Metyu Miller bu gün keçirdiyi brifinqdə Ermənistan-Azərbaycan sərhədində baş verən son insidentə münasibət bildirərkən deyib.

Onun sözlərinə görə, gücdən istifadə danışıqlara xələl gətirir: “Davamlı sülhə aparan yeganə yol danışıqlar masasından keçir. Atəşkəs rejiminin pozulması hallarını araşdırmaq və müvafiq tədbirlər görmək lazımdır. Dövlət katibinin (ABŞ dövlət katibi Antoni Blinken - Qeyd) daim vurğuladığı kimi, Amerika Birləşmiş Ştatları Ermənistan və Azərbaycan arasında sülh danışıqlarına sadiqdir”.

Xatırladaq ki, fevralın 12-də Azərbaycan-Ermənistan şərti dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin Qafan rayonunun Nerkin-And yaşayış məntəqəsi istiqamətində yerləşən mövqeyindən Dövlət Sərhəd Xidmətinin Sərhəd Qoşunlarının Zəngilan rayonunun Kolluqışlaq kəndi ərazisində yerləşən mövqeyinə açılan atəş nəticəsində əsgər Xəlilzadə Pərviz Ağakişi oğlu yaralanıb.

Bununla yanaşı, fevralın 12-si saat 20:50-də və 23:40-da Ermənistan silahlı qüvvələrinin bölmələri Tovuzqala rayonunun Çinarlı yaşayış məntəqəsi istiqamətində yerləşən mövqelərindən Ordumuzun Tovuz rayonunun Koxanəbi yaşayış məntəqəsi istiqamətində yerləşən mövqelərini atıcı silahlardan atəşə tutub.

DSX bölmələri fevralın 13-də Ermənistan Silahlı Qüvvələrinin dünən törətdikləri təxribata cavab olaraq “Qisas əməliyyatı” keçirib. Məlumata görə, əməliyyat nəticəsində dünən əsgərimizə atəş açılan Ermənistan Silahlı Qüvvələrinin Qafan rayonunun Nerkin-And yaşayış məntəqəsinin yaxınlığındakı döyüş postu tamamilə darmadağın edilib, döyüş mövqeləri susdurulub.

Ermənistan Müdafiə Nazirliyi dörd hərbçisinin öldüyünü, birinin yaralandığını etiraf edib.//Report//

OXŞAR XƏBƏRLƏR
Ersin Tatar Azərbaycana səfər edəcək

Ersin Tatar Azərbaycana səfər edəcək

Norveç: Azərbaycan-Ermənistan münasibətlərində irəliləyişlər gözləyirik

Norveç: Azərbaycan-Ermənistan münasibətlərində irəliləyişlər gözləyirik

BMT BA-nın prezidenti: Azərbaycanın “yaşıl enerji”yə keçidi sürətləndirmək səylərini alqışlayıram

BMT BA-nın prezidenti: Azərbaycanın “yaşıl enerji”yə keçidi sürətləndirmək səylərini alqışlayıram

XƏBƏR LENTİ
  • 22:29

    Ermənistan-İran avtomobil yolu bağlandı
  • 22:09

    Ermənistanda sərhəd Komissiyanın qərarına etiraz edənlər ərazidə tonqallar qalamağa başlayıb
  • 21:49

    Şri-Lankada avtomobil tamaşaçılara çırpıldı: ölən və yaralananlar var
  • 21:19

    ABŞ Ukraynaya ATACMS raketlərini təhvil verə bilər
  • 20:54

    Ersin Tatar Azərbaycana səfər edəcək
  • 20:33

    "Google map"da Azərbaycanla bağlı yenilik edilib - FOTO
  • 20:19

    Rusiya donanmasının ən qədim gəmisi vurulub
  • 19:57

    Netanyahu: "HƏMAS-a təzyiqləri artıracağıq"
Menyu