Bolqarıstan Prezidenti bu gün Ədoğanla görüşəcək

Bolqarıstan Prezidenti Rumen Radev prezident Rəcəb Tayyib Ərdoğanın dəvəti ilə bu gün Türkiyəyə gəlir.

"Operativ Media" "TRTHaber"ə istinadən xəbər verir ki, görüş İstanbuldakı Vahdettin Köşkündə baş tutacaq.

Məlumata görə, görüşlərdə Türkiyə ilə Bolqarıstan arasında ikitərəfli münasibətlər müxtəlif aspektlərdə nəzərdən keçiriləcək və əməkdaşlığın yaxşılaşdırılması üçün atılacaq addımlar müzakirə olunacaq.

Görüşlər zamanı cari, regional və qlobal hadisələrlə bağlı fikir mübadiləsi də nəzərdə tutulub.